Rutsiro : Babiri bafatiwe mu bucukuzi bw’amabuye y’agaciro butemewe

Polisi y’u Rwanda  ikorera mu karere ka Rutsiro yafashe Habineza Evariste na Gatutsi Fabien bacukura amabuye y’agaciro  yo mubwoko bwa Wolfram muburyo bunyuranyije n’amategeko.Bafashwe kuri uyu wa 08 Gicurasi biturutse ku makuru yatanzwe n’abaturage.

Nyuma y’uko bigiye bigaragara ko ubucukuzi butemewe buri gutwara ubuzima bw’abaturage Polisi yahagurukiye kurwanya uwariwe wese ushaka kubukora,ikabashishikariza gukora ubwemewe n’amategeko kuko aribwo buzabageza ku iterambere.

Chief inspector of Police (CIP) Innocent Gasasira , umuvugizi wa Polisi mu  Ntara y’Iburengerazuba avuga ko kugira ngo bariya bagabo bafatwe byaturutse ku makuru yatanzwe n’abaturage.

CIP Gasasira avuga ko gukora ubucukuzi mu buryo butemewe n’amategeko byangiza ibidukikije  kandi bunagira ingaruka kubuzima bw’ubukora bikagera no kumuryango we.

Yagize ati “Iyo wishoye mu bucukuzi  butemewe n’amategeko bikugiraho ingaruka  kuko ushobora kuhaburira ubuzima  kandi nta bwishingizi baba bafite, bityo umuryango n’igihugu bikahahombera .”

Yakomeje avuga ko mu  karere ka Rutsiro hari amakompanyi menshi  acukura amabuye y’agaciro mu buryo bwemewe n’amategeko. Asaba abaturage   kwegera inzego zibishinzwe kugirango  zibafashe kuko nibyo byonyine bizabafasha mugukora batekanye.

CIP Gasasira yasabye abaturage kureka kwishora mu bintu binyuranyije n’amategeko kuko ingaruka iyo zije nibo zigarukira.kubyirinda nicyo cyonyine kizatuma buri wese agera ku byiza yifuza kugeraho.

Nyuma yo gusobanurirwa ububi bw’ubucukuzi butemewe abafashwe bashyikirijwe urwego rushinzwe ubugenzacyaha (RIB) station ya Rusebeya kugirango bakurikiranwe .
muburezi.com

LEAVE A REPLY

Please enter your comment!
Please enter your name here