Coronavirus ni iki? Yandura ite? Kandi ni gute umuntu yayirinda.

Ubushinwa n’isi byibasiwe na virusi yiswe “Coronavirus cg COVID-19” iri gukwirakwira cyane mu mpande zose, ari nako hari abo itwara ubuzima.
Kugeza uyu munsi, taliki ya 14 Werurwe 2020 twandika iyi nkuru, hamaze kugaragara umuntu ufite iyo virusi kubutaka bw’u Rwanda ndetse abantu barenga 142,775 ku isi yose bagezweho n’iyi virusi, abarenga 5373 bamaze guhitanywa na yo, ari nako umubare ugenda wiyongera umunota k’uwundi.
Ese Coronavirus ni iki? Yandura ite? Kandi ni gute umuntu yayirinda.

1. Coronavirus ni iki?
COVID-19 (Coronavirus Disease) ni indwara ahanini yibasira imyanya y’ubuhumekero ikaba iterwa na virusi izwi nka SARS-CoV-2 (Severe acute respiratory syndrome coronavirus 2).
2. Ibimenyetso biyigaragaza ni ibihe?
Ibimenyetso rusange byagiye bigaragara cyane kuri benshi harimo;
• Umuriro
• Gukorora (nta gikororwa)
• Kumva umunaniro
Iyo iyi virusi imaze gukwirakwira mu mubiri, kenshi bigaragazwa no;
• Guhumeka bigoranye
• Ingingo zimwe na zimwe zitangira kwangirika
Byose bigakurikirwa n’urupfu.

Coronavirus itinda kugaragaza ibimenyetso; akenshi bigaragara (incubation period) hagati y’iminsi 2-14 hakaba n’abantu bitangira kugaragara mu munsi 27.
Iki gihe cyose, nubwo iba itaragaragara ariko uyifite mu mubiri ashobora kwanduza abandi.

3. Uburyo bwo kwirinda coronavirus?
Virusi zifata imyanya y’ubuhumekero, akenshi zinjirira mu mwuka ndetse n’amatembabuzi (nk’amacandwe, igihe witsamuye, igihe ukoze ahari izo virusi ukikora ku munwa cg ku mazuru).
Ni ngombwa;
• Gukaraba intoki igihe cyose uvuye ahantu, ukoze ku kintu, ugiye kurya cg se ugiye kunywa.
• Mu gihe urwaye ibicurane, inkorora cg ufite umuriro ni byiza kwirinda kujya ahari abantu benshi
• Kwirinda kwitsamura gukorora cg kwipfuna mu bandi
Kubahiriza amabwiriza atangwa n’inzego z’ubuzima ni ngombwa cyane;
• Kugabanya (cg kureka) ingendo zimwe na zimwe cyane cyane mu bihugu bigaragaramo abamaze kwandura
• Kwirinda gusuhuzanya hakoreshejwe ibiganza cg gusomana
• Kwitabaza inzego z’ubuzima mu gihe ugaragaje cg se hari uwo ubonye agaragaje ibimenyetso bya coronavirus

Source: https://www.who.int/emergencies/diseases/novel-coronavirus-2019/advice-for-public

Mugihe hari igitekerezo ushaka kutugezaho twandikire
facebook/sibomana ladislas
twitter/sibomana ladi
Email: sibomanala@gmail.com
whatsapp: +250783682825

LEAVE A REPLY

Please enter your comment!
Please enter your name here